Kybalion: Aksiomat Hermetike

KAPITULLI 15. AKSIOMAT HERMETIKE

“Posedimi i Dijes, nëse nuk shoqërohet me një manifestim dhe shprehje në Veprim, është si grumbullimi i metaleve të çmuara – një gjë e kotë dhe marrëzi. Dija, ashtu si pasuria, synohet të përdoret. Ligji i Përdorimit është Universal, dhe ai që e shkel atë e vuan për shkak të konfliktit të tij me forcat natyrore.”-

Kybalion

Mësimet Hermetike, ndonëse janë mbajtur gjithmonë të mbyllura në mëndjet e zotëruesve me fat, për arsye të cilat i kemi thënë tashmë, nuk u synuan kurrë që thjesht të ruheshin dhe të sekretoheshin. Ligji i Përdorimit trajtohet në Mësime, siç mund ta shihni duke iu referuar citatit të mësipërm nga Kybalion, i cili e deklaron atë me forcë. Njohuria pa Përdorim dhe Shprehje është një gjë e kotë, që nuk i sjell asnjë të mirë zotëruesit të saj, apo racës. Kini kujdes nga Koprracia Mendore, dhe shprehni në Veprim atë që keni mësuar. Studioni Aksiomat dhe Aforizmat, por praktikojini ato gjithashtu.

Ne japim më poshtë disa nga Aksiomat Hermetike më të rëndësishme, nga Kybalion, me disa komente të shtuara për secilën. Bëjini këto tuajat, dhe praktikoni dhe përdorni ato, sepse ato nuk janë vërtet tuajat derisa t’i keni përdorur ato.

“Për të ndryshuar gjëndjen shpirtërore ose gjëndjen mendore – ndrysho vibracionin tënd.”

Kybalion

Dikush mund të ndryshojë vibracionin e tij mendor me një përpjekje të Vullnetit, në drejtim të fiksimit të qëllimshëm të vëmëndjes në një gjëndje më të dëshirueshme. Vullneti drejton vëmëndjen dhe vëmëndja ndryshon vibracionin. Kultivoni Artin e Vëmëndjes, me anë të Vullnetit, dhe ju keni zgjidhur sekretin e Zotërimit të Gjëndjeve Shpirtërore dhe Mendore.

“Për të shkatërruar një ritëm të padëshirueshëm të vibracioneve mendore, vër në veprim Parimin e Polaritetit dhe përqendrohu në polin e kundërt me atë që dëshiron të shtypësh. Vrit të padëshiruarën duke ndryshuar polaritetin e saj.”

Kybalion

Kjo është një nga më të rëndësishmet e Formulave Hermetike. Ajo bazohet në parime të vërteta shkencore. Ne iu kemi treguar se një gjëndje mendore dhe e kundërta e saj ishin thjesht dy polet e një gjëje, dhe se me anë të Transmutacionit Mendor, polariteti mund të ndryshonte. Ky Parim është i njohur për psikologët modernë, të cilët e zbatojnë atë në ndarjen e zakoneve të padëshiruara duke u kërkuar studentëve të përqendrohen në cilësinë e kundërt. Nëse jeni të pushtuar nga Frika, mos e humbni kohën duke u përpjekur të “vrisni” Frikën, por në vend të kësaj kultivoni cilësinë e Guximit dhe Frika do të zhduket. Disa shkrimtarë e kanë shprehur këtë ide më me forcë duke përdorur ilustrimin e dhomës së errët. Ju nuk duhet të hiqni me lopatë ose të fshini Errësirën, por thjesht duke hapur grilat dhe duke e lënë dritën brënda, errësira është zhdukur. Për të zhdukur një cilësi Negative, përqendrohuni në Polin Pozitiv të së njëjtës cilësi dhe vibracionet gradualisht do të ndryshojnë nga Negative në Pozitive, derisa më në fund do të polarizoheni në polin Pozitiv në vend të Negativites. E kundërta është gjithashtu e vërtetë, pasi shumë e kanë kuptuar me pikëllim, kur e kanë lejuar veten të vibrojnë shumë vazhdimisht në polin Negativ të gjërave. Duke ndryshuar polaritetin tuaj, ju mund të zotëroni disponimin tuaj, të ndryshoni gjëndjet tuaja mendore, të rindërtoni prirjen tuaj dhe të ndërtoni karakter. Pjesa më e madhe e zotërimit mendor të Hermetikëve të avancuar është për shkak të këtij aplikimi të polaritetit, i cili është një nga aspektet e rëndësishme të Transmutacionit Mendor. Kujtoni Aksiomën Hermetike (të cituar më parë), e cila thotë:

“Mendja (po ashtu si edhe metalet dhe elementët) mund të shndërrohet nga një gjëndje në tjetrën; nga shkalla në shkallë, nga gjëndja në gjëndje; nga poli në pol; nga vibracioni në vibracion.”

Kybalion

Mjeshtrimi i Polarizimit është zotërimi i parimeve themelore të Transmutimit Mendor ose Alkimisë Mendore, sepse nëse dikush nuk fiton artin e ndryshimit të polaritetit të tij, ai nuk do të jetë në gjëndje të ndikojë në mjedisin e tij. Kuptimi i këtij parimi do t’i mundësojë dikujt të ndryshojë polaritetin e tij, si dhe atë të të tjerëve, nëse do t’i kushtojë vetëm kohën, kujdesin, studimin dhe praktikën e nevojshme për të mjeshtruar artin. Parimi është i vërtetë, por rezultatet e marra varen nga durimi dhe praktika e vazhdueshme e studentit.

“Ritmi mund të neutralizohet nga një aplikim i Artit të Polarizimit.”

Kybalion

Siç e kemi shpjeguar në kapitujt e mëparshëm, Hermetistët mendojnë se Parimi i Ritmit manifestohet si në Planin Mendor po ashtu edhe në atë Fizik, dhe se vazhdimësia befasuese e disponimeve, ndjenjave, emocioneve dhe gjëndjeve të tjera mendore është për shkak të lëkundjes prapa dhe përpara të lavjerrësit mendor, që na çon nga një ekstrem ndjesie në tjetrin. Hermetistët mësojnë gjithashtu se Ligji i Neutralizimit i mundëson dikujt, në një masë të madhe, të kapërcejë funksionimin e Ritmit në vetëdije. Siç e kemi shpjeguar, ekziston një Plan më i Lartë i Vetëdijes, si dhe Plani i zakonshëm i Poshtëm, dhe Mjeshtri duke u ngritur mendërisht në Planin e Lartë bën që lëkundja e lavjerrësit mendor të shfaqet në Planin e Poshtëm, dhe ai, duke u ndalur në Planin i tij të Lartë, i shpëton vetëdijes së lëkundjes prapa. Kjo arrihet duke polarizuar në Veten e Lartë, dhe duke ngritur kështu vibracionet mendore të Egos mbi ato të planit të zakonshëm të vetëdijes. Është e ngjashme me ngritjen mbi një gjë dhe lejimin e saj të kalojë poshtë teje. Hermetisti i avancuar polarizohet në Polin Pozitiv të Qënies së tij – Poli “Unë Jam” në vend të polit të personalitetit, dhe duke “refuzuar” dhe “mohuar” funksionimin e Ritmit, ngrihet mbi planin e tij të vetëdijes, dhe duke qëndruar i palëkundur në deklaratën e tij të qënies ai lejon që lavjerrësi të lëvizë prapa në Planin e Poshtëm pa ndryshuar polaritetin e tij. Kjo realizohet nga të gjithë individët që kanë arritur çdo shkallë të vetë-mjeshtërisë, pavarësisht nëse e kuptojnë ligjin apo jo. Njerëz të tillë thjesht “refuzojnë” të lejojnë që lavjerrësi i humorit dhe emocioneve t’i kthejë mbrapsht, dhe duke pohuar me vendosmëri epërsinë, ata mbeten të polarizuar në polin Pozitiv. Mjeshtri, natyrisht, arrin një shkallë shumë më të madhe aftësie, sepse ai e kupton ligjin që po e kapërcen me anë të një ligji më të lartë, dhe me përdorimin e Vullnetit të tij ai arrin një shkallë të Vendosmërie dhe Qëndrueshmërie Mendore pothuajse e pamundur për tu besuar në pjesën e atyre që lejojnë veten që lavjerrësi mendor i disponimeve dhe ndjenjave të lëkundet prapa e përpara.

Sidoqoftë, mbani mend gjithmonë se ju nuk e shkatërroni vërtet Parimin e Ritmit, sepse ai është i pathyeshëm. Ju thjesht kapërceni një ligj duke e kundërbalancuar atë me një tjetër dhe kështu ruani një ekuilibër. Ligjet e ekuilibrit dhe kundërpeshës janë në veprim si në planin mendor ashtu edhe në atë fizik, dhe kuptimi i këtyre ligjeve mundëson që njeriu të duket se rrëzon ligjet, ndërsa ai thjesht po ushtron një kundërpeshë.

“Asgjë nuk i shpëton Parimit të Shkakut dhe Efektit, por atje ka shumë Plane të Shkakësisë, dhe dikush mund të përdorë ligjet e më të lartave për të kapërcyer ligjet e më e ulëtave.”

Kybalion

Me një kuptim të praktikës së Polarizimit, Hermetistët ngrihen në një plan më të lartë të Shkakësisë dhe kështu kundërpeshojnë ligjet e planeve më të ulëta të Shkakësisë. Duke u ngritur mbi planin e Kauzave të zakonshme, ata bëhen vetë, në një farë mase, Shkaqe në vënd që të jenë thjesht Shkaktarë. Duke qënë në gjëndje të zotërojnë gjëndjen shpirtërore dhe ndjenjat e tyre, dhe duke qenë në gjëndje të neutralizojnë Ritmin, siç e kemi shpjeguar tashmë, ata janë në gjëndje t’i shpëtojnë një pjese të madhe të operacioneve të Shkakut dhe Efektit në planin e zakonshëm. Masat e njerëzve mbahen me vete, të bindur ndaj mjedisit të tyre; vullnetet dhe dëshirat e të tjerëve më të fortë se ata; efektet e prirjeve të trashëguara; sugjerimet e atyre rreth tyre; dhe shkaqe të tjera të jashtme; të cilat tentojnë t’i lëvizin në tavolinën e shahut të jetës si pione të thjeshta. Duke u ngritur mbi këto shkaqe ndikuese, Hermetistët e përparuar kërkojnë një plan më të lartë veprimi mendor, dhe duke dominuar disponimin, emocionet, impulset dhe ndjenjat e tyre, ata krijojnë për vete karaktere, cilësi dhe fuqi të reja, me anë të të cilave ata kapërcejnë mjedisin e tyre të zakonshëm dhe kështu bëhen praktikisht lojtarë në vend të vecse gurëve. Njerëz të tillë ndihmojnë për të luajtur lojën e jetës me mirëkuptim, në vënd që të preken andej-këtej nga ndikime, fuqi dhe vullnete më të forta. Ata përdorin Parimin e Shkakut dhe Efektit, në vënd që të përdoren prej tij. Sigurisht, edhe më të lartat i nënshtrohen Parimit siç manifestohet në planet më të larta, por në planet më të ulëta të veprimtarisë, ata janë Mjeshtër në vend të Skllevërve. Siç Kybalion thotë:

“Të mençurit shërbejnë në më të lartën, por sundojnë në atë të ulët. Ata u binden ligjeve që vijnë nga lart, por në planin e tyre, dhe ata poshtë tyre ata sundojnë dhe japin urdhra. E megjithatë, duke vepruar kështu, ata formojnë një pjesë të Parimit, në vend që ta kundërshtojnë atë. Njeriu i mençur bie dakord me Ligjin, dhe duke kuptuar lëvizjet e tij, ai e përdor atë në vend që të jetë skllav i verbër i tij. Ashtu si notari i aftë kthehet andej-këtej, duke shkuar dhe vjen si të dojë, në vend që të jetë si trungu që bartet aty-këtu – kështu është njeriu i mençur në krahasim me njeriun e zakonshëm – dhe megjithatë edhe notari edhe trungu, i mençuri dhe budallai i nënshtrohen Ligjit. Ai që e kupton këtë është mirë në rrugën drejt Mjeshtërisë.”

Kybalion

Si përfundim, le të tërheqim vëmendjen tuaj te Aksioma Hermetike:

“Shndërrimi i Vërtetë Hermetik është një Art Mendor.”

Kybalion

Në aksiomën e mësipërme, Hermetistët mësojnë se puna madhështore për të ndikuar në mjedisin e dikujt realizohet nga Fuqia Mendore. Universi duke qenë tërësisht mendor, rrjedh se ai mund të sundohet vetëm nga Mentaliteti. Dhe në këtë të vërtetë duhet gjetur një shpjegim i të gjitha dukurive dhe manifestimeve të fuqive të ndryshme mendore që po tërheqin kaq shumë vëmëndje dhe studim në këto vite të hershme të shekullit të njëzetë. Mbrapa dhe nën mësimet e kulteve dhe shkollave të ndryshme, Parimi i Substancës Mendore të Universit mbetet gjithnjë konstant. Nëse Universi është Mendor në natyrën e tij substanciale, atëherë rrjedh se Transmutacioni Mendor duhet të ndryshojë kushtet dhe dukuritë e Universit. Nëse Universi është Mendor, atëherë Mëndja duhet të jetë fuqia më e lartë që ndikon në fenomenet e tij. Nëse kjo kuptohet, atëherë të gjitha të ashtuquajturat “mrekulli” dhe “punë-të-mbrekullueshme” shihen qartë për atë që ato janë.

“GJITHËSIA është MËNDJE; Universi
është Mendor.”

Kybalion